Մինսկի խումբն աջակցում է ԼՂ հակամարտության հավասարակշռված ու խաղաղ կարգավորմանը. ԵԱՀԿ-ին կից Ֆրանսիայի մշտական ներկայացուցչություն
Ինչպես հայտնում է ադրբեջանական APA գործակալությունը, ԵԱՀԿ-ին կից Ֆրանսիայի մշտական ներկայացուցիչ Վերոնիկ Ռոգեր-Լոջանը հայտարարել է, որ ԵԱԿՀ Մինսկի խումբն աջակցում է Լեռնային Ղարաբաղի հակամարտության հավասարակշռված ու խաղաղ կարգավորմանը:
«Պատճառը, որի հետևանքով դեռևս չի կարգավորվել Լեռնային Ղարաբաղի հակամարտությունը, կողմերի անհրաժեշտ քաղաքական կամքի բացակայությունն է: Մենք աջակցում ենք Կարմիր խաչի միջազգային կոմիտեի գործունեությանը՝ անհետ կորածների վերաբերյալ տեղեկությունների փոխանակման հարցում»,- հայտարարել է Վերոնիկ Ռոգեր-Լոջանը:
