Համայնքի ղեկավարը հրաժարական է տվել. արտահերթ ընտրություն չի լինի
ՀՀ կառավարության որոշմամբ վաղաժամկետ դադարեցվեցին Արմավիրի մարզի Նորապատ համայնքի ղեկավար Սամվել Բադալյանի լիազորությունները: Այս մասին կառավարության նիստի ընթացքում ասաց ՀՀ տարածքային կառավարման և արակարգ իրավիճակների նախարար Արմեն Երիցյանը՝ նշելով, որ համայնքի ղեկավարը հրաժարական է ներկայացրել:
Որոշման նախագծում նշված է, որ նկատի ունենալով այն հանգամանքը, որ վերոնշյալ համայնքում 2015թ. դեկտեմբերի 6-ին արդեն իսկ ընտրվել է այդ համայնքի նոր ղեկավար՝ համայնքի ղեկավարի լիազորությունները դադարեցնելու հետ միաժամանակ Նորապատի համայնքում արտահերթ ընտրություն նշանակելու անհրաժեշտությունը բացակայում է:
