Բուսկետսը նշել է, թե ով կարող է նրան ստիպել հեռանալ «Բարսելոնայից»
Վերջին օրերին ակտիվորեն քննարկվում է Սերխիո Բուսկետսի՝ ՊՍԺ տեղափոխությունը: ESPN-ին տված հարցազրույցի ժամանակ «Բարսելոնայի» ու Իսպանիայի հավաքականի կիսապաշտպանը խոստովանել է, որ, եթե Գվարդիոլան խնդրի, նա կարող է տեղափոխվել «Մանչեսթեր Սիթի», բայց որևէ այլ ակումբ՝ դժվար թե:
«Միշտ ասել եմ, որ երկու հոգի կան, որ կարող են համոզել ինձ լքել «Բարսելոնան»։ Մեկը կինս է, ով հիմա ցանկանում է, որ մնամ այստեղ, մյուսն էլ Պեպ Գվարդիոլան է։
Ես միշտ շնորհակալ կլինեմ Գվարդիոլային, քանի որ նա ինձ շատ է աջակցել: Բայց նա գիտի, որ «Բարսելոնան» է իմ ակումբը։ Ես հիմա երջանիկ եմ այստեղ, երկուսս էլ չենք ուզի, որ ես տեղափոխվեմ»,- նշել է Բուսկետսը:
Սիրարփի Աղաբաբյան
