Համաշխարհային բանկը 140 մլն դոլար կհատկացնի Ադրբեջանին
Համաշխարհային բանկը մինչև 2016 թվականի հունիսը որոշում կկայացնի Ադրբեջանին հավելյալ 140 միլիոն դոլար ֆինանսավորման հատկացման վերաբերյալ: Գումարը նախատեսված է Բաքու-Շամախի ավտոճանապարհի ընդլայման համար: Այս մասին Trend-ին հայտնել են ՀԲ-ի Բաքվի ներկայացուցչությունից:
«Ադրբեջանի կառավարությունը պաշտոնական հարցում է ուղարկել ՀԲ-ին Բաքու-Շամախի ավտոճանապարհի՝ մինչև չորս գիծ ընդլայնման նպատակով հավելյալ ֆինանսավորման ստացման համար: Որոշումը կայացվելու է մինչև այս ֆինանսական տարվա ավարտը (ՀԲ-ի ֆինանսական տարին ավարտվում է հունիսի 30-ին)»,- ասել են ՀԲ-ի ներկայացուցչությունից:
Սպասվում է, որ պաշտոնական բանակցությունները վարկի ստացման վերաբերյալ կսկսվեն արդեն մարտին:
Ծրագրի իրականացման համար 2016թ. փետրվարի 1-ի դրությամբ ՀԲ-ն տրամադրել է 241,6 մլն դոլար:
