
Թենիսիստուհի Անա Իվանովիչը և «Մանչեսթեր Յունայթեդի» ֆուտբոլիստ Բաստիան Շվայնշտայգերը կամուսնանան մարտին

Զույգը որոշել է հարաբերությունները հասցնել նոր մակարդակի: Ինչպես հաղորդում է Bild պարբերականը, սերբ թենիսիստուհի Անա Իվանովիչը և գերմանացի ֆուտբոլիստ Բաստիան Շվայնշտայգերը որոշել են ամուսնանալ հաջորդ ամիս` Իսպանիայում կամ Սերբիայում:
Հաստատվում է, որ հանդիսավոր արարողությանը ներկա են լինելու շատ հայտնի մարդիկ, որոնց թվում՝ բրիտանացի թենիսիստ Էնդի Մարեյը և Գերմանիայի հավաքականի և «Բավարիայի» մի քանի ֆուտբոլիստներ:
Իվանովիչը մասնակցելու է Սանկտ Պետերբուրգի մրցաշարին, որը տեղի է ունենալու փետրվարի 8-ից 14-ը:
Սերբ թենիսիստուհին և ֆուտբոլի աշխարհի չեմպիոնը հանդիպում են 2014թ. սեպտեմբերից:
Պատրաստեց Անի Գաբուզյանը