Twitter-ը կարգելի սոցցանցում վիրավորանքները
Twitter սոցցանցը կարգելի սպառնալիքներն ու վիրավորանքները, իսկ հատուկ էթիկական կոմիտեն կհետևի անհարգալից արտահայտվող օգտատերերին ու կդիտարկի բողոքները, հայտնում է The Guardian-ը:
Նման նորարարությունը կդառնա Twitter-ի ռեակցիան Անվտանգ համացանցի միջազգային օրվան ընդառաջ:
Twitter-ի ղեկավարությունը պաշտոնապես հայտարարել է, որ բացում է հատուկ բաժանմունք, որտեղ դիտարկվելու են համացանցի օգտատերերի վիրավորանքներն ու միջոցառումներ են ձեռնարկվելու կոնֆլիկտի հաղթահարման ուղղությամբ:
Հայտնի է, որ սոցցանցը նախկինում քննադատվել է օգտատերերի նկատմամբ պաշտպանիչ միջոցառումներ չձեռնարկելու համար:
