Կենսատպիչն աշխարհում առաջին անգամ գործող օրգան՝ վահանաձեւ գեղձ է տպել
«Սկոլկովո» ռեզիդենտը մշակել է կենսատպիչ, որով աշխարհում առաջին անգամ տպել են գործող օրգան: Այդ մասին, ինչպես տեղեկացնում է «Արմենպրես»-ը՝ հղում անելով «Ինտերֆաքս»-ին, փետրվարի 9-ին Նովոսիբիրսկում լրագրողներին հայտարարել է «Սկոլկովո» հիմնադրամի փոխնախագահ Կիրիլ Կայեմը:
«Մեր ռեզիդենտն աշխարհում այն հինգ ընկեություններից մեկն է, որը սովորել է ճիշտ կենսատպիչ պատրաստել, եւ աշխարհում առաջինն է «տպել» գործող օրգան՝ վահանաձեւ գեղձ՝ այն պատվաստելով մկանը: Մկան մոտ վահանաձեւ գեղձը գործում է, արտազատում է հորմոններ, սա ճեղքում Է, որը նախկինում չի եղել»,- ասել է Կայեմը:
Նա նշել է, որ ընկերությունն արդեն կենսատպիչներ է վաճառում կենսաբանական 3D-տպագրությամբ զբաղվող այլ լաբորատորիաների:
Կայեմը նշել է, որ ընկերությունը պատրաստվում է տպել այլ օրգաններ, օրինակ՝ երիկամ, լյարդ:
