Ուկրաինայում 1 օրում 26 մարդ է մահացել գրիպից
Ուկրաինայում ավելանում է գրիպի զոհերի թիվը, հայտնում է Ուկրաինայի առողջապահության նախարարությունը, տեղեկացնում է korrespondent.net-ը:
Ուկրաինայի առողջապահության նախարարության տվյալներով՝ երկրում համաճարակային սեզոնն սկսվելուց ի վեր գրանցվել է 246 լաբորատոր կերպով հաստատված մահվան դեպք գրիպից ու դրա բարդություններից, ընդ որում, նրանցից 3-ը մինչև 17 տարեկան երեխաներ են:
«Մահվան ամենաշատ թվով դեպքերը Օդեսայի մարզում են՝ 40 դեպք, Կիևում՝ 29, Խարկովում՝ 15, Չերկասի, Ռովենսկի մարզերում՝ 14-ական»,- ասվում է հաղորդագրության մեջ:
