Թուրքիան խստացրել է Իրաքի հետ մուտքի արտոնագրի ռեժիմը
Թուրքիայի արտաքին գործերի նախարարությունը հայտարարել է Իրաքի հետ մուտքի արտոնագրի ռեժիմը խստացնելու մասին: Ինչպես հաղորդում է «Արմենպրես»-ը, այս մասին տեղեկացնում է Թուրքիայի ԱԳՆ պաշտոնական կայքը:
«Թուրքիա այցելել ցանկացող Իրաքի քաղաքացիների համար վիզային ռեժիմը գործելու է նախկինի պես, սակայն դրա տրման գործընթացում կկատարվեն փոփոխություններ` անօրինական ներգաղթի դեմ պայքարի շրջանակում: Իրաքի քաղաքացիների մուտքը Թուրքիա հնարավոր կլինի միայն արտասահմանում մեր երկրի դիվանագիտական ներկայացուցչություններում ստացված վիզայի առկայության դեպքում»,- հայտնել է Թուրքիայի ԱԳՆ խոսնակ Թանժու Բիլգիչը:
Ավեի վաղ Իրաքի քաղաքացիները կարողանում էին մուտքի վիզա ստանալ Թուրքիայի հետ ցամաքային անցակետերում:
