Ձնակույտի մեջ մեքենա է արգելափակվել. 4 ուղևոր դուրս է բերվել մեքենայից
Փետրվարի 6-ին, ժամը 05.24-ին ահազանգ է ստացվել, որ Մելիքգյուղ-Ապարան ավտոճանապարհին՝ խաչմերուկի մոտակայքում, «ВАЗ-21010» մակնիշի ավտոմեքենան արգելափակվել է ձնակույտի մեջ. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Հրշեջ-փրկարարները Մելիքգյուղ-Ապարան ավտոճանապարհի 5-րդ կմ-ում «ВАЗ-21010» մակնիշի 34 SR 167 պետհամարանիշով (վարորդ՝ Ա. Ա.) ավտոմեքենան դուրս են բերել արգելափակումից (4 ուղևոր):
