Էլթոն Ջոնն անսպասելի ելույթ է ունեցել Լոնդոնի կայարանում
Բրիտանացի երաժիշտ Էլթոն Ջոնը ելույթ է ունեցել Լոնդոնի Սենտ-Պանկրաս կայարանում, հայտնում է Billboard-ը: Ինչպես նշում է ամսագիրը, անսպասելի համերգը իսկական «շոկ» է եղել ուղևորների համար:
Էլթոն Ջոնը նստել է «հանրային» Yamaha դաշնամուրի դիմաց ու սկսել է նվագել: Այդ երաժշտական գործիքը արտիստը նվիրել է կայարանին:
Բազմաթիվ ականատեսներ երգչի ելույթը ձայնագրել են իրենց սարքերով: Համերգ-անակնկալից հետո երգիչը դաշնամուրի վրա թողել է «Վայելեք դաշնամուրը: Սա նվեր է: Սիրով, Էլթոն Ջոն» գրությունը:
