Գվարդիոլան հանձնվում է. Վիդալն անուղղելի է
«Բավարիայի» գլխավոր մարզիչ Խոսեպ Գվարդիոլան չի կարողանում կարգի հրավիրել թիմի չիլիացի կիսապաշտպան Արթուրո Վիդալին:
Գերմանական մամուլը գրում է, որ Վիդալը շարունակում է պարբերաբար հարբել, ապրել անառողջ միջավայրում: Գվարդիոլային դուր չի եկել, որ մի քանի ժամ կորչելուց հետո Վիդալը հայտնվել է խմած:
Առաջին անգամը չէ, որ մամուլը խոսում է Վիդալի ոչ մարզական պահվածքի մասին:
Գվարդիոլան նշել է, որ այլևս չի կարողանում կառավարել Վիդալին, և նրա պահվածքով պետք է զբաղվեն թիմակիցները:
Տոնական օրերից հետո Վիդալը հայտնվել էր բավարացիների մարզաբազայում բավականին գիրացած և մինչ այժմ էլ չի կարողանում կարգավորել քաշը:
Սիրարփի Աղաբաբյան
