Գյումրեցի ատլետները մարզվում են ձյան և սառը ասֆալտի վրա
Tsayg.am-ը գրում է. Գյումրու մի շարք մարզադպրոցներ, հատկապես, ձմռան ամիսներին, ենթակառուցվածքներ չունենալու պատճառով, կանգնում են փաստի առաջ: Տարիներ շարունակ նման լուրջ խնդիր ունեն Ատլետիկայի օլիմպիական մանկապատանեկան մարզադպրոցի մարզիչներն ու նրանց սաները: Չկան պայմաններ մարզումները տարվա այս եղանակին լիարժեք անցկացնելու համար: Մարզադպրոցին անհրաժեշտ է մանեժ: 2010 թվականից հարցը բարձրացվել է տարբեր ատյաններում, բայց այն մնում է առկախ:
