Փարիզի ոստիկանությունը քանդել է գնչուների խոշոր ճամբարը
Փարիզի ոստիկանությունը ցրել է գնչուների ճամբարը, որը կառուցվել էր Փարիզի հյուսիսային արվարձանում՝ լքված երկաթուղային ճանապարհի հարևանությամբ, հայտնում է BBC-ն:
Անցած տարվա ամառվանից ճամբարում բնակություն էր հաստատել 350 մարդ: Ինչպես պատմել են տեղի ակտիվիստները, գնչուներից շատերը լքել են ճամբարը մինչ ոստիկանական օպերացիան սկսելը:
Ֆրանսիայի երկաթուղային ճանապարհների ազգային ընկերությունը (SNCF), որին պատկանում է տարածքը, որտեղ գտնվել է ճամբարը, հրաժարվել է մեկնաբանել ստեղծված իրավիճակը:
Amnesty International-ի ակտիվիստները կոչ են արել Փարիզի իշխանություններին ապահավել գնչուներին ժամանակավոր կացարաններով՝ հաշվի առնելով ցուրտը:
1990-ականներին արևմտյան Եվրոպա ժամանած հարյուր հազարավոր գնչուների մեծ մասը Ռումինիայից է ու Բուլղարիայից:
