«Վալենսիան» բանակցություններ է վարել «Մանչեսթեր Սիթիի» գլխավոր մարզիչ Մանուել Պելեգրինիի հետ
«Զենիթը» մրցակից ունի չիլիացու համար պայքարում:
Փետրվարի 1-ին «Մանչեսթեր Սիթին» պաշտոնապես հայտարարեց, որ ամռանը թիմը կգլխավորի Պեպ Գվարդիոլան: Պելեգրինին, ում պայմանագիրը նախատեսված է մինչև 2017թ. ամառ, կհեռանա ակումբից և կարող է վերադառնալ Իսպանիա: Ըստ Plaza Deportiva-ի տեղեկության՝ չիլիացին հանդիպել է «Վալենսիայի» ներկայացուցիչներին և քննարկել է համագործակցության հնարավորությունը:
Պելեգրինիի նկատմամբ հետաքրքրություն է ցուցաբերում նաև «Զենիթը»:
Նոյեմբերին «չղջիկները» բաժանվեցին Էսպիրիտու Սանտուից և մինչև մրցաշրջանի ավարտը նշանակեցին Գարի Նևիլին: Անգլիացի մարզչի ղեկավարությամբ «Վալենսիան» Իսպանիայի առաջնությունում անցկացրած 8 հանդիպումներից ոչ մեկում չի հաղթել:
Իսպանիայում Պելեգրինին մարզել է «Վիլյառեալը», «Ռեալը» և «Մալագան»:
«Մանչեսթեր Սիթիի» հետ 62-ամյա մարզիչը հաղթել է Անգլիայի Պրեմիեր լիգան և Լիգայի գավաթը:
Պատրաստեց Անի Գաբուզյանը
