Լենինգրադում հայ գործարարներ են սպանվել

Հունվարի 31-ին՝  երեկոյան ժամը 20:00-ի սահմաններում, Լենինգրադի մարզի Շլիսելբուրգ քաղաքի ավտոսերվիսում փոխհրաձգության հետևանքով երկու հայ է սպանվել, ևս երեք հոգի վիրավորվել են: Սպանվածներից մեկը 1956 թվականին ծնված Հրայր Վարդանյանն է, ով ՌԴ-ում կեցության իրավունք ունի, իսկ մյուսը՝ 1971 թվականին ծնված, Պուշկինի բնակիչ Արմեն Խուրշուդյանն է։ Նրանք գործարարներ են եղել, և եղել են իրար դեմ կռվող խմբերում։

Ականատեսները պատմել են, որ ավտոսերվիսին է մոտեցել սև «Mercedes»ավտոմեքենա, որից կովկասյան արտաքինով զինված 5 անձ է իջել և կրակ են բացել ավտոսերվիսում գտնվողների ուղղությամբ: Սրահում գտնվողները նույնպես զինված են եղել։ Փոխհրաձգությանը մասնակցել է մոտ 10 մարդ։