Հայտնաբերվել է Հիերոնիմոս Բոսխի նոր կտավը
5 տարվա աշխատանքից հետո հետազոտողների միջազգային խումբը վճռել է, որ «Սուրբ Անտոնիոսի գայթակղությունը» կտավը, որն ավելի վաղ վերագրվում էր նկարչի բազմաթիվ աշակերտներից մեկին, իրականում պատկանում է մեծ վարպետին, գրում է The Guardian-ը:
1930-ականներից ստեղծագործությունը պահվում էր ԱՄՆ Միսսուրի նահանգի Կանզաս-Սիթի քաղաքի Նելսոն Աթկինսի գեղարվեստական թանգարանում:
Հետաքրքիր է, որ կտավի հեղինակին հաջողվել է պարզել՝ հետազոտելով նկարի դետալները, որոնք հանդիպում են Բոսխի մյուս նկարներում: Դրանցում գիտնականները նկատել են բնորոշ «հրեշներին», ինչպիսիք են ճաղատ հրեշն ու սողացող գորտը, ինչպես նաև լողացող նրբերշիկը:
Հավանաբար, «Սուրբ Անտոնիոսի գայթակղությունը» կտավն ստեղծվել է 1500-1510-ականներին:
