Հայտնաբերվել է ավելի քան 4500-ամյա եգիպտական նավ
Չեխ հնագետների խումբը Եգիպտոսում պեղումների ժամանակ հայտնաբերել է փայտե նավ, որն ավելի քան 4500 տարեկան է, հայտնում է Prague Daily Monitor-ը:
18 մետրանոց նավը թվագրվում է III դինաստիայի դարաշրջանին, իսկ ավելի ճիշտ՝ Ք.ծ.ա 27-րդ դարին, ինչը ավելի մեծ է Քեոփսի բուրգերի հայտնի նավերից:
Նավը հայտնաբերվել է Ջոսեր փարավոնի ժամանակների մի անհայտ անձի դամբարանի մերձակայքում արված պեղումների ժամանակ:
Նավի լավ պահպանմանը նպաստել է չոր անապատային կլիման: Հնագետները հայտնաբերել են ոչ միայն նավի փայտե կորպուսը, այլև ճոպանները:
