Քեմերոնը հավանություն է տվել առաջարկներին, որի դեպքում Բրիտանիան կմնա ԵՄ-ում
Օրենսդրական փոփոխությունները, որոնք ուղղված են այն բանին, որ Բրիտանիան մնա Եվրամիությունում, դրանց ընդունման դեպքում «զգալի կփոխեն» Լոնդոնի ու Բրյուսելի փոխհարաբերությունները, հայտարարել է Մեծ Բրիտանիայի վարչապետ Դևիդ Քեմերոնը: Այս մասին տեղեկացնում է BBC-ի ռուսական ծառայությունը:
Միաժամանակ, նրա խոսքով, այդ առաջարկությունները լրամշակման կարիք ունեն: Փոփոխությունների հիմնական մասը, որը ներկայացրել է Եվրոպայի խորհրդի նախագահ Դոնալդ Տուսկը, վերաբերում է միգրացիոն ու դրամային քաղաքականությանը:
Մասնավորապես, Տուսկի առաջարկությունը ներառում է Քեմերոնի առաջարկած առաջարկությունները, որը սահմանափակում է վճարները Բրիտանիայում աշխատող՝ ԵՄ-ի այլ երկրների քաղաքացի հանդիսացող ներգաղթյալներին:
Բացի այդ՝ առաջարկվում են միջոցառումներ, որոնք թույլ կտան Բրիտանիային խուսափել միության այլ երկրների հետ հետագա տնտեսական ինտեգրումից, չնայած ինտեգրման խորացման սկզբունքը շարադրված է Լիսաբոնի պայմանագրում:
Որպեսզի այդ առաջարկները ունենան լեգիտիմություն, դրանց պետք է հավանություն տան միության մյուս 27 անդամ երկրները:
