Գերմանիայում բացվել է ԼԳԲՏ փախստականների համար նախատեսված առաջին ապաստանը
Գերմանիայում ապաստան է կառուցվել ԼԳԲՏ հանրույթը ներկայացնողների համար: Ինչպես հայտնում է Middle East Eye-ը, Նյուրնբերգում գտնվող կենտրոնը նախատեսված է 8 մարդու համար:
«Նախապաշարումները չեն անհետանում սահմանները հատելիս»,- ասել է նախագծի նախաձեռնող ու Fliederlich ասոցիացիայի ղեկավար Միխայել Գլասը:
Նրա խոսքով՝ առաջին այցելուները կենտրոն կժամանեն մոտակա երկու օրերին: Հայտ է ներկայացրել 4 ներգաղթյալ Իրանից, Իրաքից, Սիրիայից ու Եթովպիայից:
Նյուրնբերգի ակտիվիստների օրինակին որոշել են հետևել նաև Բեռլինում: Այտեղ այս տարվա փետրվարին նախատեսվում է կառուցել ապաստան ԼԳԲՏ ներգաղթյալների համար, որտեղ կտեղակայվի արդեն 120 մարդ, հայտնում է The Times of Israel-ը:
