Հաղթանակն Անգլիայի գավաթում ժամանակ կշահի Լուի Վան Գալի համար
«Նյուքասլի» նախկին հարձակվող Ալան Շիրերի կարծիքով «Մանչեսթեր Յունայթեդի» հաղթանակը Անգլիայի գավաթում ժամանակ կշահի մանկունյանցիների մարզիչ Լուի Վան Գալի համար, ում հնարավոր հեռացման մասին լուրերը վերջին ժամանակներում ավելի ու ավելի շատ են սկսել շրջանառվել: Ընդ որում, Շիրերը հիշել է նման իրավիճակ նաև «Արսենալում», որը 9 տարի տիտղոս չնվաճելուց հետո 2014թ.-ին նվաճեց Անգլիայի գավաթը:
«Երբ «Արսենալը» հաղթեց Անգլիայի գավաթը, դա Վենգերին մի քիչ ժամանակ տվեց: Կարող եք Դուք պատկերացնել, թե ինչքան հարցերի
նա պետք է պատասխաներ: Կստացվե՞ր արդյոք դա նրա մոտ: Այս պահին նման իրավիճակում է «Մանչեսթեր Յունայթեդը», ով շարունակում է պայքարել այս մրցաշարում»,- ասել է Շիրերը:
Պատրաստեց Անի Գաբուզյանը
