Կանիաշիր-Ալագյազ ավտոճանապարհին ավտոմեքենան դուրս է եկել ճանապարհի երթևեկելի մասից
Հունվարի 31-ին, ժամը 11.16-ին ահազանգ է ստացվել, որ Կանիաշիր-Ալագյազ ավտոճանապարհին ավտոմեքենան դուրս է եկել ճանապարհի երթևեկելի մասից և արգելափակվել է ձյան մեջ. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Հրշեջ-փրկարարներն արգելափակումից դուրս են բերել «Նիսսան խտերրա» մակնիշի 34 BZ 248 պետհամարանիշի (վարորդ՝ Դ. Ղ.) ավտոմեքենան (2 ուղևոր):
