Իտալիայի փողոցում վթար է տեղի ունեցել. տուժածներ չկան
Հունվարի 31-ին, ժամը 01.25-ին ահազանգ է ստացվել, որ Երևանի Իտալիայի փողոցում՝ «Կոնգրես» հյուրանոցի մոտակայքում, տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ դեռևս չբացահայտված հանգամանքներում «Կիա Սորենտո» մակնիշի 17 MV 017 պետհամարանիշով ավտոմեքենան դուրս է եկել երթևեկելի գոտուց, բախվել լուսացույցին և շրջվել. տուժածներ չկան:
Հրշեջ-փրկարարները հոսանքազրկել են ավտոմեքենան և փակել գազի բալոնի փականը:
