Նախագծվել է ինքնաթիռ, որի ուղևորները կփրկվեն աղետի դեպքում
Արդյո՞ք հնարավոր է, որ օդային աղետի դեպքում ուղևորները կարողանան փրկել: Ուկրաինացի ավիացիայի ինժեներ Վլադիմիր Տատարենկոն աշխատել է այս խնդրի լուծման վրա 3 տարի և… գտել է լուծումը:
Տատարենկոն պնդում է, որ նախագծել է ինքնաթիռ, որի ուղևորների բաժինը արտակարգ իրավիճակներում կարող է առանձնանալ ամբողջ ինքնաթիռից և բարեհաջող վայրէջք կատարել: Դրա տանիքին կցված են պարաշյուտներ և յուրաքանչյուր կողմում կան կամրջանավեր:
«Ուղևորները կարող են փրկվել օդային աղետում»,- պդնում է գյուտարարը: 
Ինքնաթիռի ուղևորների բաժինը արտակարգ իրավիճակներում դանդաղ արագությամբ կարող է առանձնանալ առաջնային հատվածից և անմիջապես կբացվեն պարաշյուտները: 
Այսպես ուղևորները կարող են ապահով վայրէջք կատարել: 
Փչովի կամրջանավերը անհրաժեշտության դեպքում կպահեն ուղևորների բաժինը ջրի վրա: 
Պետք չէ անհանգստանալ ուղեբեռի համար. այն կլինի ուղևորների հետ նույն խցում: 
Ուղևորների բաժինը կարող է առանձնանալ ինքնաթիռից` թռիչքի, ընթացքի և վայրէջքի ընթացքում: 
Իհարկե, գյուտը խիստ քննադատությունների է արաժանացել տարբեր պատճառներով: Առաջին հերթին, քննադատները պնդում են, որ ուղևորների բաժնի առանձնացումը կխախտի ինքնաթիռի ամբողջականությունը: Բացի այդ, նոր գյուտը չի փրկի ուղևորներին հրթիռային հարձակման ժամանակ: Եվ վերջում, կասկածի տակ է դրվում գյուտի բանականությունը. միլիոնավոր թռիչքների ժամանակ միլիարդավոր ուղևորներից ամեն տարի մահանում է ընդամենը 500 մարդ:
Սակայն, ըստ ավիացիայի ինժեների անցկացրած հարցման արդյունքում պարզ է դարձել, որ հարցման մասնակիցների 95 տոկոսը պատրաստ է վճարել նման գյուտի համար:
Պատրաստեց Անի Գաբուզյանը
