
«Բարսելոնան» ցանկանում է ձեռք բերել 21-ամյա անգլիացի ֆուտբոլիստի

Կատալոնական «Բարսելոնան» ցանկանում է համալրել իր կազմը 21-ամյա անգլիացի ֆուտբոլիստով: Այդ ֆուտբոլիստը «Էվերթոնի» պաշտպան Ջոն Սթոունզն է:
Ըստ անգլիական մամուլի տեղեկությունների՝ Սթոունզի ծառայություններով հետաքրքրված են նաև «Չելսին» և «Մանչեսթեր Յունայթեդը»:
Սթոունզի տրանսֆերը կատալոնական ակումբի համար մարզական մամուլը համարում է շահավետ ձեռքբերում: Երիտասարդ անգլիացու տրանսֆերային արժեքը կազմում է 25 միլիոն եվրո:
ԱՊԼ-ի ընթացիկ առաջնությունում Սթոունզը մասնակցել է 19 հանդիպման:
Սիրարփի Աղաբաբյան