Համեղ շոկոլադե երշիկ թեյի հետ

Զարմանալի է, բայց ամենապարզ բաղադրիչներից հաճախ ստացվում են ամենահամեղ ուտեստները: Բայց մեր մայրիկներն ու տատիկները օգտագործում էին ձեռքի տակ եղած բաղադրիչները և պատրաստում էին հրաշալի շոկոլադե երշիկներ:

Անհրաժեշտ է.

1. 600գ թխվածքաբլիթ

2. 3 ճաշի գդալ կակաո

3. 150մլ կաթ

4. 200գ կարագ

5. 8 ճաշի գդալ շաքարավազ

Պատրաստման եղանակը.

1. Փշրեք թխվածքաբլիթները մեծ կտորների (օգտագործեք մսաղաց կամ խառնիչ (блендер)):

2. Խառնեք կակաոն շաքարավազի հետ:

3. Ցածր կրակի վրա հալեցրեք կարագը կաթի, կակաոյի և շաքարավազի հետ: Պահեք կրակի վրա, մինչև շաքարավազն ամբողջությամբ լուծվի և զանգվածը դառնա միասեռ, բայց զանգվածը չենք հասցնում եռման աստիճանի:

4. Խառնում ենք թխվածքաբլիթները հեղուկ զանգվածի հետ: Խառնեք այնքան ժամանակ, մինչև խիտ զանգված ստացվի:

5. Ստացված խմորից ձևավորեք երեք երշիկ և փաթեթավորեք դրանք սննդային թաղանթով:

6. Դրեք երշիկը սառցարան (3 ժամ):

Երբ երշիկները սառչեն, մատուցեք այն թեյի հետ:

Պատրաստեց Անի Գաբուզյանը