Քեյթ Միդլթոնը կդառնա Huffington Post-ի խմբագիրը
Huffington Post պարբերականը Քեմբրիջի դքսուհի Քեյթ Միդլթոնին առաջարկել է համագործակցել` որպես հրավիրված խմբագիր, հաղորդում է Us Weekly-ն:
Պարբերականի ղեկավարությունը ակնկալում է, որ համագործակցության շրջանակներում Քեյթ Միդլթոնը կտրամադրի հեղինակային մի քանի հոդվածներ: Ի դեպ, առաջարկված թեմաներից մեկը բավականին անսպասելի է` երեխաների հոգեկան առողջություն: Երկրորդ թեման ավելի ավանդական է արքայական ընտանիքի ներկայացուցիչների համար` բարեգործություն:
Քեյթ Միդլթոնը կստանա լայն լսարանի հետ այս երկու ոլորտներում իր սեփական փորձառությամբ և դիտարկումներով կիսվելու հնարավորություն: Հաղորդվում է նաև, որ խմբագրի պաշտոնում նրա աշխատանքը կտևի ընդամենը մեկ օր:
Հայտնի է, որ Քեյթ Միդլթոնը բարեգործական գործունեության շրջանակներում մեծ ուշադրություն է դարձնում երեխաների հոգեկան առողջությանը:
Պատրաստեց Անի Գաբուզյանը
