Արսեն Վենգերը հայտարարել է նոր ֆուտբոլիստի տրանսֆերի մասին
«Արսենալի» գլխավոր մարզիչ Արսեն Վենգերը պատմել է «Բազելի» հենակետային կիսապաշտպան Մոհամեդ Էլ-Նենիի ձեռքբերման մասին:
«Իհարկե, Էլ-Նենին կլինի մեզ մոտ: Նա արդեն տեղափոխվել է: Տեսնենք, կկարողանա նա մասնակցել կիրակի օրը կայանալիք «Սթոք Սիթիի» դեմ հանդիպմանը»,- ասել է Վենգերը:
Ինչպես հաղորդում է ESPN-ը, 23-ամյա եգիպտացու տրանսֆերի գինը կազմել է 7 մլն ֆունտ: Պաշտոնապես ֆուտբոլիստը կներկայացվի այսօր:
Շվեյցարիայի ընթացիկ մրցաշրջանի 16 խաղերում Էլ-Նենին դարձել է 2 գոլի հեղինակ:
Պատրաստեց Անի Գաբուզյանը
