«Ատլետիկոն» մտադիր է բարձրացնել Գրիզմանի հրաժարադրամը մինչև 100 մլն եվրո
«Ատլետիկոն» չի պատրաստվում բաժանվել իր կիսապաշտպան Անտուան Գրիզմանից, ում ծառայություններով հետաքրքրված են «Ռեալը», «ՊՍԺ»-ն, «Չելսին» և «Բավարիան»:
Ինչպես հաղորդում է As-ը, «Ատլետիկոն» ցանկանում է բարձրացնել 24-ամյա ֆրանսիացու համար նախատեսված փոխհատուցման գումարը` 80 մլն եվրոյից հասցնելով 100 մլն եվրո: «Ատլետիկոն» նաև պատրաստ է բարձրացնել ֆուտբոլիստի աշխատավարձը:
Գրիզմանի գործող պայմանագիրը մադրիդյան ակումբի հետ նախատեսված է մինչև 2020թ. հունիսի 30-ը:
Պատրաստեց Անի Գաբուզյանը
