Ցավոք, դեռ հունվար է, այլ ոչ թե մայիս. Կլաուդիո Ռանիերի
«Լեսթերի» գլխավոր մարզիչ Կլաուդիո Ռանիերին պատմել է երեկվա խաղում «Տոտենհեմի» նկատմամբ տարած հաղթանակի մասին (1:0):
«Մենք ուզում էինք հաղթել, բայց հիշում էինք, որ շատ բարդ խաղ է սպասվում: «Տոտենհեմը» լավ մեկնարկեց և ճնշում էր գործադրում մեզ վրա, բայց մենք խուճապի չմատնվեցինք և դիմադրեցինք: Հակառակորդին դժվար էր մեզ հետ:
Մենք վտանգավոր պահեր էինք ստեղծում, երկրորդ խաղակեսում սկսեցինք բաց ֆուտբոլ խաղալ: Երկու թիմերն էլ շանս ունեին դարպասը գրավելու համար, բայց միայն մեզ հաջողվեց դա անել:
Մենք 3 խաղ անընդմեջ գնդակ բաց չենք թողել: Ցավոք, դեռ հունվար է, այլ ոչ թե մայիս: Առջևում շատ աշխատանք է մեզ սպասվում: Մենք պետք է շարունակենք մարզվել և հավատալ այն ամենին, ինչ անում ենք»,- ասել է Ռանիերին:
Պատրաստեց Անի Գաբուզյանը
