«Չելսին» և «Մանչեսթեր Սիթին» հետաքրքրվում են Բենզեմայով
«Ռեալի» հարձակվող Քարիմ Բենզեման հայտնվել է «Չելսիի» և «Մանչեսթեր Սիթիի» հետաքրքրությունների շրջանակում:
Ինչպես հաղորդում է HITC Sport-ը` հղում անելով պոտենցիալ գործարքին մոտ կանգնած աղբյուրին, անգլիական երկու ակումբները դիտարկում են ֆրանսիացուն գնելու տարբերակը հունվարին, կամ մրցաշրջանի ավարտից հետո:
Նշվում է, որ Բենզեման ինքը վստահ չէ այն բանում, որ իրեն արժե մնալ «Ռեալում», քանի որ «Ռեալը» բավարար աջակցություն չցուցաբերեց իրեն` «Լիոնի» կիսապաշտպան Մաթյո Վալբուենայի շանտաժի գործում, ինչի պատճառով հարձակվողին հեռացրեցին Ֆրանսիայի հավաքականից:
Իսպանիայի ընթացիկ առաջնության հանդիպումներում Բենզեման դարձել է 8 գոլի հեղինակ:
Պատրաստեց Անի Գաբուզյանը
