Հայաստանում խոզի գրիպի հետ կապված համաճարակային իրավիճակ չկա
Հայաստանում խոզի գրիպի հետ կապված համաճարակային իրավիճակ չկա: Այս մասին այսօր ԱԺ արտահերթ նիստում հայտարարեց առողջապահության փոխնախարար Սերգեյ Խաչատրյանը՝ պատասխանելով ԲՀԿ-ական պատգամավոր Վահե Էնֆիաջյանի հարցին, թե ի՞նչ իրավիճակ է այսօր:
«Մենք ունենք հստակ վերահսկողական համակարգ հանրապետությունում, որ ամենօրյա մշտադիտարկումներ է իրականացվում համաճարակային: Բոլոր միջոցառումները իրականացվում են և մենք արտառոց համաճարակային իրավիճակ այսօր չունենք»,- ասաց փոխնախարարը:
Հիշեցնենք, որ օրեր առաջ Հայաստանում արձանագրվել է խոզի գրիպի 3 դեպք, վարակվել են 2 երեխա և 1 հղի:
