«Բարսելոնայի» ֆուտբոլիստները նշել են «Ռեալի» պարտությունն ինքնաթիռում
Օրերս «Բարսելոնայի» ֆուտբոլիստներն ուղևորվել են Տոկիո՝ մասնակցելու աշխարհի ակումբային առաջնությանը: Իսկ այդ ընթացքում Իսպանիայում շարունակվում է Լա լիգան:
Ըստ «Marca»-ի տեղեկությունների, 13 ժամ տևած թռիչքի ժամանակ օդաչուն հայտարարություն է արել՝ ֆուտբոլիստներին տեղեկացնելով «Վիլյառեալի»՝ «Ռեալ Մադրիդի» նկատմամբ 1:0 հաշվով հաղթանակի մասին:
Ըստ աղբյուրի՝ լուրն ընդունվել է ծափահարություններով և «Visca, Barca» բացականչություններով: Պատահական չէ, որ կատալոնացիների կազմում ամենից ակտիվը մադրիդցիների պարտությունը նշել է Ժերարդ Պիկեն:
Սիրարփի Աղաբաբյան
