«Ինչ-որ ժամանակ ուզում եմ խաղալ MLS-ում». Կրիշտիանու Ռոնալդու
Պորտուգալացին կապվածություն չի զգում որևէ երկրի կամ Լիգայի նկատմամբ:
«Եթե ազնիվ լինեմ, ինձ ձանձրացրել են իմ ապագայի մասին միօրինակ հարցերը: Հոգնել եմ ժխտել հսկայական չափերի շշուկները: Այնուամենայնիվ, դա նորմալ է, որովհետև մարդիկ արձագանքում են այն բանին, ինչ տեսնում են լուրերում:
Ես երբեք միանշանակ չեմ ասել այն մասին, որ չեմ խաղա MLS-ում: Հավանականություն կա, իսկ ինչո՞ւ ոչ: Ես չունեմ կապվածություն որևէ երկրի կամ Լիգայի նկատմամբ: Ինչ-որ ժամանակ ուզում եմ փորձել ինձ MLS-ում: Դա հետաքրքիր կլինի: Իհարկե, հենց հիմա չարժե այդ մասին լրջորեն մտածել»,- ասել է Ռոնալդուն ռադիո ВВС-ին:
Ավելի վաղ հաղորդվել էր, որ պորտուգալացին կգնա «Ռեալից», եթե ակումբը չհեռացնի Ռաֆա Բենիտեսին:
Պատրաստեց Անի Գաբուզյանը
