Մուհամմեդ Ալին պատասխանել է Դոնալդ Թրամփին՝ պաշտպանելով իսլամը
Ամերիկացի լեգենդար բռնցքամարտիկ Մուհամմեդ Ալին քննադատել է ԱՄՆ Հանրապետական կուսակցության նախագահի թեկնածու Դոնալդ Թրամփի այն խոսքերը, ով կոչ է արել արգելել ԱՄՆ մուսուլմանների մուտքը, հայտնում է korrespondent.net-ը:
«Մենք՝ որպես մուսուլմաններ, պետք է հակազդենք նրանց, ովքեր իսլամը օգտագործում են սեփական քաղաքական շահերի համար»,- հայտարարել է 72-ամյա մարզիկը:
Մուհամմեդ Ալին ընդգծել է, որ բռնությունը հակասում է իսլամի սկզբունքներին, իսկ քաղաքական առաջնորդները պետք է օգտագործեն իրենց ազդեցությունը, որպեսզի բնակչությանը հասցնեն իսլամի էությունը:
Հանրապետական Դոնալդ Թրամփի անունը մարզիկը չի տվել:
Հիշեցնենք, որ վերջինս հայտարարել էր, թե մուսուլմաններն ատում են Ամերիկան ու կարող են Ամերիկան հարվածի տակ դնել:
Ինչպես պնդում է քաղաքական գործիչը, սահմանը հարկավոր է փակել այնքան ժամանակ, քանի դեռ ԱՄՆ-ի իշխանությունները «չեն պարզել, թե ինչ է տեղի ունենում»:
Սպիտակ տունը Թրամփի հայտարարությունը որակել է որպես «հակասող ազգային շահերին»:
