Խմբի անդամներից մեկը տեսաերիզներ էր պատրաստել՝ հեղաշրջումից հետո հեռուստատեսությամբ ցուցադրելու նպատակով. «Հրապարակ»
«Հրապարակ» թերթը գրում է. «Մեր տեղեկություններով՝ ՀՀԿ-ական երկու պատգամավորներին շանտաժի փորձ անելու մեղադրանքով հուլիսի 27-ից անազատության մեջ գտնվող Տիգրան Առաքելյանի խցակիցը զինված հանցախմբի գործով կալանավորված Փանիկ գյուղի բնակիչ Գևորգ Ջնդոյանն է։ «Վարդաշեն» ՔԿՀ-ի նույն խցում հայտնված Գևորգ Ջնդոյանը, մեր տեղեկություններով, զինված հանցախմբի գործունեության հետ կապված տեսաերիզներ էր պատրաստել, որոնք հեղաշրջումից հետո ծրագրում էին ցուցադրել հեռուստատեսությամբ, սակայն ԱԱԾ-ն նրա աշխատանքը «ջուրը գցեց»»:
Ամբողջությամբ կարող եք կարդալ «Հրապարակ» թերթի այսօրվա համարում:
