«Այդ ծաղիկները՝ սև ժապավենով կապված, պետք է դրվեն ՀՀԿ-ի բոլոր գրասենյակների դիմաց». Զարուհի Փոստանջյանը՝ Էդուարդ Շարմազանովին
«Շարմազանովը հավանաբար ինքն է անլուրջ, երբ ՀՀ-ում համատարած աղքատութուն է, ու մեկ միլիոնից ավելի մարդ ստանում է 40 հազար եկամուտ»,- այսօր լրագրողների հետ հանդիպման ժամանակ այս մասին հայտարարեց ԱԺ «Ժառանգություն» խմբակցության պատգամավոր Զարուհի Փոստանջյանը՝ խոսելով ԱԺ փոխնախագահ Էդուարդ Շարմազանովի հայտարարության մասին:
Հիշեցնենք, որ երեկ ԱԺ փոխնախագահը «Ժառանգություն» կուսակցության առաջնորդ Րաֆֆի Հովհաննիսյանին «հովհարային անջատումներով» քաղաքական գործիչ էր անվանել:
Զ. Փոստանջյանի խոսքով՝ Է. Շարմազանովը չի պատկերացնում այդ մարդկանց բողոքի հետևանքները. «Ես մի կոչ կանեմ մեր հանրությանը՝ այդ ծաղիկները՝ սև ժապավենով կապված, պետք է դրվեն ՀՀԿ-ի բոլոր գրասենյակների դիմաց»:
