«Ռեալը» կարող է հեռացվել Իսպանիայի գավաթի մրցաշարից
Մադրիդի «Ռեալը» կարող է հեռացվել Իսպանիայի գավաթի մրցաշարից «Կադիսի» դեմ խաղում կիսապաշտպան Չերիշևի մասնակցության պատճառով:
Ինչպես հաղորդվում է, Ռուսաստանի հավաքականի ֆուտբոլիստն իրավունք չուներ մասնակցելու այդ խաղին: Իսպանիայի գավաթի նախորդ մրցաշարի խաղում Չերիշևը խաղալով «Վիլյառեալի» կազմում՝ դեղին քարտ է ստացել, որը եղել է երրորդը նրա համար: Չերիշևը գավաթի հաջորդ խաղին մասնակցելու ավտոմատ որակազրկում է ստացել, ընդ որում, դա չի վերանում թիմը փոխելու ժամանակ:
Ըստ մրցաշարի կանոնների՝ «Ռեալը» կհեռացվի գավաթի խաղերից, եթե «Կադիսը» բողոք ներկայացնի: Նման ձևով այս տարի արդեն որակազրկվել է «Օսասունան»:
Պատրաստեց Անի Գաբուզյանը
