«Ֆյուրիի հետ ռևանշից հրաժարվելը տարբերակ չէ». Վլադիմիր Կլիչկո
Ուկրաինացի Վլադիմիր Կլիչկոն, ով նոյեմբերի 28-ին պարտվեց Թայսոն Ֆյուրիին, հաղորդել է, որ մտադիր է ռևանշ անցկացնել բրիտանացի բռնցքամարտիկի դեմ:
«Ես Սուրբ Ծննդյան նվեր եմ պատրաստել Թայսոն Ֆյուրիի և բռնցքամարտի բոլոր երկրպագուների համար: Ես կօգտվեմ Թայսոն Ֆյուրիի դեմ ռևանշ անցկացնելու իմ իրավունքից և ավելի ուշ կհաղորդեմ մենամարտի կոնկրետ տեղի և ժամանակի մասին, որը տեղի կունենա 2016-ին:
Ես իսկապես վշտացած էի մենամարտից հետո, բայց մի քանի անքուն գիշերներից հետո հասկացա, որ ուզում եմ ապացուցել, որ ես կարող եմ շատ ավելի լավ ելույթ ունենալ: Ես չկարողացա ցուցադրել իմ ամբողջ պոտենցիալը: Դա այն է, ինչ ես ցանկանում եմ փոխել ռևանշում, և ես այդպես էլ կանեմ: Անհաջողությունը տարբերակ չէ»,- ասել է Կլիչկոն:
Պատրաստեց Անի Գաբուզյանը
