Սերխիո Ռամոսը՝ «Բարսելոնային». ոչինչ հավերժ չէ
Մադրիդի «Ռեալի» ավագ Սերխիո Ռամոսը, ով ապաքինվում է վնասվածքից, լրագրողների հետ խոսել է նաև «Բարսելոնայի» հետ կայացած խաղի մասին, որտեղ մադրիդցիները պարտվել էին 0:4 հաշվով: Ռամոսը խորհուրդ է տվել կատալոնացիներին՝ վայելել իրենց հաջողությունը՝ հիշելով, որ ոչինչ հավերժ չէ:
«Սա շատ բարդ շաբաթ էր՝ բացասական արդյունքներով: Կլասիկո պարտվելը բավական դժվար է: Հիմա ժամանակն է մոռանալ մեր անհաջողությունը և ոչ մի դեպքում միավորներ չկորցնել Լա լիգայում»:
Ռամոսը նշել է, որ արդեն կատարել են մեկ քայլ առաջ՝ հաղթելով տուրի վերջին խաղում:
Ռամոսը համոզված է, որ մրցաշրջանի սկիզբը շատ քիչ բան է նշանակում:
«Մենք նախորդ մրցաշրջանը շատ լավ սկսեցինք: «Բարսելոնան» շատ ավելի վատ էր հանդես գալիս, քան մենք, բայց հենց նրանք նվաճեցին տրեբլը»:
Սիրարփի Աղաբաբյան
