Պարզվել է Փարիզի երեք ահաբեկիչների քաղաքացիությունը
Ֆրանսիայում ոստիկանությունը պարզել է Փարիզի ահաբեկչության 8 հեղինակներից 3-ի ինքնությունը, հայտնում է BFM հեռուստաալիքը:
Մատնահետքերը ցույց են տվել, որ հարձակվողներից մեկը Ֆրանսիայի քաղաքացի է, նրա անունը դեռ չի հաղորդվում:
Նախնական տեղեկությունների համաձայն՝ ահաբեկիչներից 2-ը Սիրիայի ու Եգիպտոսի քաղաքացիներ են:
«Ստադ դե Ֆրանս» մարզադաշտի հարևանությամբ պայթյուններ իրականացրած ահաբեկիչների աճյունների մոտ հայտնաբերվել են Սիրիայի ու Եգիպտոսի անձնագրեր:
Դեռ հայտնի չէ՝ արդյոք նրանց են պատկանել այդ անձնագրերը:
