Եգիպտոսի նախագահը կայցելի Շարմ-էլ-Շեյխ՝ ստուգելու անվտանգության միջոցառումները
Եգիպտոսի նախագահ Աբդել Ֆաթթահ աս-Սիսին մտադիր է մեկնել զբոսաշրջային Շարմ-էլ-Շեյխ քաղաք՝ ստուգելու այնտեղ կազմակերպված անվտանգության միջոցառումները, գրում է Ahram պարբերականը:
Ինչպես նշվում է, Եգիպտոսի նախագահը խորհրդակցություն կանցկացնի՝ քննարկելու Սինայում ռուսական ինքնաթիռի կործանման հետևանքները, ինչպես նաև երկրի զբոսաշրջային ոլորտում առաջացած ճգնաժամը:
Հաղորդագրության մեջ ասվում է, որ Եգիպտոսի նախագահի ժամանման հետ կապված ձեռնարկվել են անվտանգության աննախադեպ միջոցառումներ:
Պարբերականի տեղեկություններով՝ Եգիպտոսի նախագահին այցի ընթացքում կուղեկցեն երկրի տուրիզմի նախարարը, Հարավային Սինայի նահանգապետը, ինչպես նաև Շարմ-էլ-Շեյխի միջազգային օդանավակայանի ղեկավարը: