Թբիլիսիում Հայաստանի 2 քաղաքացու մոտից թմրանյութեր են առգրավվել. վերջիններս ձերբակալվել են
Հայաստանի քաղաքացիներ Գառնիկ Կ-ն (1976թ. ծնված) ու Հայկ Գ-ն (1966 թ. ծնված) ձերբակալվել են Թբիլիսիում թմրամիջոցների անօրինական պահման/ձեռքբերման մեղադրանքով: Այս մասին հայտնում է «Գրուզիա օնլայնը»:
Գառնիկ Կ-ի մոտից անձնական խուզարկությամբ առգրավվել է 0,007788 գրամ «Բուպրենորֆին», Հայկ Գ-ի մոտից՝ 0,05 գրամ «Մետադոն»:
Վրաստանի ՆԳՆ տեղեկություններով՝ նարկոլոգիական փորձաքննությունը վերջիններիս մոտ հայտնաբերել է «Մետադոնի» օգտագործման փաստ:
Կատարվում է հետաքննություն:
