Էստոնիան մտադիր է Ռուսաստանից պաշտպանվել 2 մետրանոց պարիսպով
Էստոնիայի իշխանությունները որոշել են Ռուսաստանի հետ սահմանին կառուցել երկուսուկես մետր բարձրություն ունեցող պարիսպ: Այս մասին հայտնում է Postimees էստոնական պարբերականը:
Պարբերականի տեղեկություններով՝ ոստիկանությունն ու սահմանապահները մտադիր են Ռուսաստանի հետ ցամաքային սահմանի առնվազն երկու երրորդի չափով պարիսպ կառուցել: Նման միջոցառումները էստոնական իշխանությունները բացատրում են սահմանախախտումների դեպքերը բացառելու ցանկությամբ: Պարիսպը կպատվի լարերով: Նախնական տեղեկություններով՝ պարիսպը հագեցված կլինի տեսահսկման սարքերով ու անօդաչու թռչող սարքերով:
Սահմանի ամրապնդման աշխատանքները նախատեսվում է իրականացնել 2018-ին: Նախագծի նախնական արժեքը 71 մլն դոլար է:
