Le Parisien. Ֆաբիու Կոենտրաուն կտեղափոխվի ՊՍԺ
Le Parisien-ի հավաստմամբ՝ «Ռեալ Մադրիդի» և Պորտուգալիայի ազգային հավաքականի պաշտպան Ֆաբիու Կոենտրաուն այս շաբաթ վարձավճարով կտեղափոխվի ֆրանսիական «Պարի Սեն-Ժերմեն»: Աղբյուրը նշում է, որ պորտուգալացի պաշտպանն ընդգրկված չէ Ռաֆայել Բենիտեսի ծրագրերում:
Կան խոսակցություններ, որ Կոենտրաուի տեղափոխությունից հետո ՊՍԺ-ից կհեռանա Լյուկ Դինը: Դինը, ամենայն հավանականությամբ, վարձավճարով կտեղափոխվի իտալական «Ռոմա»:
Ամառային տրանսֆերային պատուհանի մեկնարկում անգլիական մամուլն ակտիվ գրում էր, «Մանչեսթեր Յունայթեդի» ղեկավարությունը մտադիր է ձեռք բերել Կոենտրաուին, սակայն հետագայում խոսակցությունները մարեցին:
Սիրարփի Աղաբաբյան
