«Միլանը» կարող է վերցնել Մարիո Բալոտելիին` անվճար վարձակալությամբ
«Միլանի» գլխավոր մարզիչ Սինիշա Միխայլովիչի հետ հանդիպումից հետո «Լիվերպուլի» հարձակվողը համաձայնել է վերադառնալ Իտալիա:
Բալոտելիի և Միխայլովիչի միջև հանդիպումը տեղի է ունեցել շաբաթ օրը, Միլանում, հաղորդում է Sky Sport Italia-ի լրագրող Ջանլուկա Դի Մարցիոն: Հարձակվողը համաձայնել է վերադառնալ «ռոսոներների» ճամբար, որտեղ արդեն հանդես է եկել:
Ինչպես հաղորդում է աղբյուրը, «Լիվերպուլը» պատրաստ է բաց թողնել Բալոտելիին անվճար վարձակալությամբ: Կողմերի միջև բանակցությունները շարունակվում են: Շուտով հարձակվողը կհանդիպի «Միլանի» փոխնախագահ Ադրիանո Գալիանիի հետ:
Այս մրցաշրջանում Բալոտելին «Լիվերպուլի» կազմում չի մասնակցել ոչ մի հանդիպման:
Transfermarkt.de-ի տվյալների համաձայն, Բալոտելիի տրանսֆերի գինը կազմում է 11 մլն եվրո:
Պատրաստեց Անի Գաբուզյանը
