Կոալիցիայի ավիահարվածների հետևանքով Եմենում 65 մարդ է սպանվել
Նվազագույնը 65 խաղաղ բնակիչ է սպանվել Եմենի Տաիզ քաղաքում Սաուդյան Արաբիայի գլխավորած արաբական երկրների կոալիցիայի ավիահարվածների հետևանքով, հայտնում է BBC-ի ռուսական ծառայությունը:
Ինչպես հաղորդում է «Բժիշկներ առանց սահմանների» կազմակերպությունը, զոհերի մեծամասնությունը կանայք ու երեխաներ են:
Տաիզում արդեն մի քանի ամիս շարունակ տեղի են ունենում ինտենսիվ բախումներ կառավարական զորքերի ու հուսիթ ապստամբների միջև:
ՄԱԿ-ի տվյալներով՝ Եմենում կոնֆլիկտի ժամանակ սպանվել է մոտ 4 հազար մարդ, նրանց կեսից ավելին խաղաղ բնակիչներ են:
Երկրի մոտ 1,4 մլն բնակիչներ ստիպված են եղել լքել իրենց տները:
