ՄԱԳԱՏԷ-ն կարող է թույլատրել Իրանին ինքնուրույն ստուգել Պարչինի միջուկային օբյեկտները
ՄԱԳԱՏԷ-ն կարող է թույլատրել Իրանին ինքնուրույն ստուգել Պարչինի իր միջուկային օբյեկտները, ասվում է նրանց միջև կնքված համաձայնագրի գաղտնի նախագծում, որը հայտնվել է Associated Press-ի տրամադրության տակ:
«Օպերացիաները կանցկացվեն իրանական սարքավորումների օգտագործմամբ, որոնք համապատասխանում են գործակալության տեխնիկական չափորոշիչներին»,- տեքստից մեջբերումներ է կատարում Interfax-ը:
Ընդ որում՝ իրանցի մասնագետները պարտավորված են լինելու ՄԱԳԱՏԷ-ին ներկայացնել լուսանկարչական նյութեր ու տեսանյութեր, ինչպես նաև այն նմուշները, որ վերցվելու են միջուկային օբյեկտներից:
Նշվում է, որ գործակալությունը իրականացնելու է Պարչինում օբյեկտները ստուգող իրանական անձնակազմի հսկողություն:
