Բռնաբարության մեղադրանքով կալանավորվել է Նելսոն Մանդելայի թոռը
Նելսոն Մանդելայի թոռը անցած հանգստյան օրերին կալանավորվել է 15-ամյա մի աղջկա բռնաբարելու կասկածով, հայտնում է The Daily Sun-ը:
Աղջկա ծնողների ներկայացուցչի խոսքով՝ դեպքը տեղի է ունեցել Յոհաննեսբուրգի ռեստորանում, որտեղ աղջիկը գնացել էր ընկերների հետ:
«Աղջիկը մտել է զուգարան, որտեղ էլ նա բռնաբարել է»,- հայտարարել է տուժածի ծնողների ներկայացուցիչը:
Կասկածյալի ու տուժածի անունները չեն հաղորդվում:
Երիտասարդի տատիկը՝ Նելսոն Մանդելայի երկրորդ կինը՝ Վիննի Մադիկիզելա-Մանդելան, փորձել է հարթել դեպքը, սակայն աղջկա հայրը հրաժարվել է հետ վերցնել բողոքը:
«Հայտնի ազգանունը թույլ չի տա նրանց խուսափել պատասխանատվությունից: Չի կարելի բռնաբարել անչափահասներին ու ձևացնել, որ ոչինչ տեղի չի ունեցել: Ոստիկանությունը հետաքննություն է իրականացում»,- թերթը մեջբերում է աղջկա հոր խոսքերը:
