Ֆուտբոլիստների անվտանգությունն ավելի կարևոր է, քան մարզիչները և բժիշկները. Ժոզե Մոուրինիո
Պորտուգալացի մասնագետը մեկուսացրել է աշխատանքից Եվա Կարնեիրոյին, բայց նշել է նրա կարևորությունն ակումբի համար:
Ժոզե Մոուրինիոն հանդիպել է «Չելսիի» բժշկական շտաբի հետ «Մանչեսթեր Սիթիի» հետ խաղի նախօրեին:
«Առաջինը, ինչ ես ասել եմ իմ բժիշկներին և կրկնել եմ 3 անգամ.
«Եթե մենք իմանանք, իսկ դա հեշտ է իմանալ, որ ֆուտբոլիստը պրոբլեմ ունի, ապա նա ավելի կարևոր է, քան արդյունքը: Ֆուտբոլիստն ավելի կարևոր է մարզչից և նույնիսկ ավելի կարևոր է դատավորից: Եթե նույնիսկ դատավորը ձեզ թույլ չի տալիս դուրս գալ դաշտ, դուք պետք է դուրս գաք: Նշանակություն չունի, որ դատավորը կամ մարզիչը դրա համար ուրախ չեն: Եթե դուք գիտեք, կամ զգում եք, իսկ դա շատ հեշտ է հասկանալ, դուրս եք գալիս դաշտ և չեք մտածում դրա մասին»,- ցիտում է Մոուրինիոյին Goal.com-ը:
«Եվա Կարնեի՞րո: Դուք կարող եք հարցեր տալ, և մենք չենք կարող Ձեզ խանգարել, բայց դուք չեք կարող ստիպել ինձ պատասխանել, և ես չեմ պատասխանի»,- նշել է Մոուրինիոն:
Ժոզե Մոուրինիոն քննադատության է ենթարկել բժշկական խմբի գործողությունները` Անգլիայի առաջնության առաջին տուրի «Սուոնսիի» հետ խաղում: Պորտուգալացին համարում է, որ Եվա Կարնեիրոն և նրա կոլեգաները չպետք է դուրս գային դաշտ Էդեն Ազարին օգնելու համար, քանի որ վերջինիս վնասվածքը լուրջ չէր:
Երկրպագուների մեծ մասը, Ֆուտբոլային բժիշկների ասոցիացիան և Արսեն Վենգերն աջակցել են Կարնեիրոյին, ինչի համար բժիշկն իր շնորհակալությունն է հայտնել Ֆեյսբուքում:
Պատրաստեց Անի Գաբուզյանը